في المبيعات العقارية .. لازم تكون محدد لنفسك ايه الأهداف الي انت عايز تحققها من كل مكالمة .. في عندنا 3 أهداف .. الهدف الأول: معرفة العميل باسم البياع / المطور / المشروع الهدف التاني: معرفة البياع بال Request بتاع العميل .. الي هو مكون من 5 محاور .. 1) الموقع 2) المساحة / عدد الغرف / عدد أفراد الأسرة 3) هل العميل عايز الوحدة سكن ولا استثمار لو طلب العميل على عقار سكني 4) معاد الاستلام المناسب للعميل 5) ميزانية العميل المبدئية من حيث المقدم والأقساط الهدف التالت: تحديد معاد المكالمة / الاجتماع الجي دايما بقول .. لو بدأت المكالمة وانت عايز تحقق أهدافك .. احتمال تحققها واحتمال لا .. لكن لو بدأت المكالمة بدون أهداف .. فأكيد مش هتحقق حاجة مهم جدا للبياع انه يكون محدد أهدافه وشغال عليها .. عشان يكون عارف هو رايح فين وبالتالي يقدر يضاعف مبيعاته ومهم لمدير المبيعات إنه يقيم أداء البياع في المكالمة بناء على الأهداف دي .. عشان يقدر يصحح معاه أدائه وبالتالي يمكن البياع من انه يضاعف مبيعاته وبالتالي بقدر يضاعف مبيعاته هو كمدير